Dende o Departamento de Composición do CSMVigo comprácenos anunciar que as nosas alumnas de Composición, Nuria Casas e Sara Minguez, foron galardoadas nos III Premios á xuventude na categoría de Música clásica.
O primeiro premio foi para Nuria Casas Suárez (Pontevedra) pola obra Suite Neo Clasique 1: Prelude. O segundo premio recaeu na compositora viguesa Sara Mínguez pola obra El Jardín Flotante: Preludio, La Creación.
Dous ex-alumnos de Composición do CSMVigo resultaron premiados no XII Concurso Galego de Composición para banda de música. O primeiro premio en sección primeira recaeu en Artur Silveiro, pola obra Raiolas, e o primeiro premio na sección terceira sobre Juan Daniel Romero, pola obra Contos na lareira.
A convocatoria deste concurso ten a finalidade de fomentar e estimular a actividade musical como parte fundamentos do noso patrimonio cultural, así como cubrir a escaseza de novo repertorio musical de autoría galega para ser interpretado especificamente por bandas de música.
